Andro iraisam-pirenena anoherana ny famehezam-bava eto amin’ny Aterineto | 12.03.2010

Journée mondiale contre la cyber-censure >> |

Nandritra ny volana maromaro lasa izao dia niova endrika tanteraka ny “blaogasyfera” [fitambaran’ireo mpampiasa Aterineto malagasy] izay mifanandrify indrindra amin’ny olana ara-politika any an-tanindrazana. Tsy hamaritra izany endrika vaovao izany aho satria tsy manana traikefa hanao izany sady mila fotoana lavalava kokoa raha tiana hamaritra izany endrika mbola eo an-dalam-piovana izany. Tsy hataoko koa ny handrohy izany fiovana izany amin’ny fiovana ara-politika any Madagasikara. Na dia izany aza dia zavatra roa no marihiko, dia ny fitombon’ireo malagasy mampiasa sy ireo vohikala mpivoy an’i Madagasikara eto anivon’ny Aterineto [blaogy, kianja iadian-kevitra, twitter sns.] sy ny fiovan’ireo lohahevitra izay resahina.

Heveriko fa raha maniry handinika izany fivelaran’ny blaogasyfera izany dia mila fototra arahin’isa sy fampitahana amin’ireo blogaosfera hafa. Raha ny momba ny fivoatr’ireo lohahevitra izay dinihina indray dia toa tsikaritro ho miompana bebe kokoa amin’izay iainan’ny mponina any an-tanindrazana, ka zary tavelavela ireo lohahevitra sasany zary heverina ho toy ny “maivamaivana”.

Lire la suite

blaogasyfera, cyber censure, droits de lhomme, journée mondiale, justice, liberté, liberté dexpression, Madagascar, malagasy

Nécropolitique ou l’humour noir d’une rédaction

Lundi dernier, on a été un peu étonné lorsqu’en feuilletant un célèbre quotidien malgache on a retrouvé à la page “POLITIQUE” le curriculum vitae du nouveau Premier Ministre malgache. Quoi de plus normal me diriez-vous. Mais vous serez sûrement aussi étonnés que moi si vous connaissez que cette fameuse page est surtout une page spéciale nécrologie. à savoir, aucun article ni reportage qui parle de la politique en général et aucun article tout court. Rien que le CV et les “faire-part”.Ah, si quand même. Une section concernant l’attentat de Lockerbie qui parle de condamnation, de cancer en phase terminale et de Tripoli.  Etrange relation…Quoique je reste quand même sceptique en me demandant si c’était une coïncidence de la rédaction ou un humour noir qui tire le cynisme  à son paroxysme ou encore une blague qui incite les autres à penser que le gouvernement doit spécialement figurer dans cette page. En tout cas, c’était très subtil!Finalement, cette page aurait pu s’intituler “NECROPOLITIQUE”

cv de Camille Albert VITAL, Midi Madagasikara, nécrologie

Fa inona marina moa no olana e?

Nataoko ihany ny tsy hiloa-bava kanefa toa niserana tampoka tato an-tsaina ny sombin-dresaka tamin’ny sarimihetsika vahiny iray izay toa nanamarika ahy hany ka nanontany tena ihany aho. Ilay sombin-tantara dia mpahandro sinoa iray izay nimonomonona irery raha nahita ity mpampiasa azy mipenompenona mitady zavatra tsy hay eraky ny trano, ka hoy izy “tsy fantany akory izay tadiaviny, hany ka tsy ahita izy” (dikan-teny malalaka io an…)

Fa inona tokoa moa no olana vahana eto amin’ity tanintsika ity amin’izao fotoana izao e? Moa ve misy iray amintsika afaka mitsangana ka hilaza izany ka hiara-hiaiky ny rehetra fa izay tokoa no rangory fototry ny afo tsara ifanakonana mba ahitana vahaolana? Mino aho fa raha misy  olona iray sahy hitsangana  ka hilaza ny fahitany azy dia hisy tranga maromaro mety hiseho:

- ao ireo hiezaka hampiseho fa “efa nandinika lalina” ny zava-misy mitranga amin’izao ka hamoaka izao karazana tsangan-kevitra natambatambany araka ny niainany ny fizotry ny tantara teto Madagasikara hatrizay ka hatramin’izao …Mety tsy ho diso izany fomba fijeriny izany, fa saingy ho feno ve?

- ao ireo ihevitra hoe “io indray i ranona fa te hanandra-tena”… hany ka na misy mitombina aza ny nolazain-dranona dia tsy ho henoina intsony satria … i ranona io miteny io e

- ao ireo mety ho mitovy hevitra amin’izay nolazaina sy novelabelarina ihany fa toa mahatsiaro ho fandanian’andro fotsiny ihany ny firesahana izany

- mino aho fa maro ireo tranga hafa mety hiseho … ianao mamaky io koa inoako marimarina tokoa fa efa nahita tranga dimy farafaharatsiny ankoatran’ireo …

Ny tiana ho tsindriana dia ity: samy miaiky ny rehetra fa mandalo krizy i Madagasikara amin’izao fotoana izao, tsy handeha hitady ny antony nahatonga azy loatra aho (mbola ho lasa any amin’ny ady hevitra be io raha atomboka, heveriko fa efa be dia be ny ady hevitra nandeha hatramin’izay momba io lohahevitra io ka aleoko tsy ampiana intsony), fa kosa moa ve isika izay samy miezaka mitondra ny anjara biriky amin’ny famahana ny krizy mitovy hevitra amin’ny fahazoana ilay olana ho vahana? Asa lahy fa dia vaka ny saina amin’ity toe-draharaha ity …

krizy, olana

7 desambra any Kopenagy : aiza ho aiza ny firenena malagasy?

Fotoana fohy, andro vitsivitsy sisa dia higadona ny 7 desambra hanombohan’ny fihaonambe faha-15 n’ny firenena mikambana momba ny fiovan’ny toetry ny andro. Haharitra 11 andro izy io ary eo no antenaina fa hisy fanapahan-kevitra matotra sy mety ho an’ny zanak’olombelona ho soniavin’ireo firenena maro izay ho avy hivory ao, ary andrandraina an’ireo firenen-dehibe mba haka fanapahan-kevitra matotra sy rariny ho fitsinjovana ny fiainan’ny zanak’olombelona sy ireo zava-manan’aina fantatra.Raha ny ara-tantara aloha dia fantatra fa nisy hatrany ireo fiovan’ny toetrandro teto ambonin’ny tany raha tsy hampahatsiahy ny fotoana lavan’ny hatsiaka madiry fantatra amin’ny hoe “ère glaciaire” na ny firotsahan’ny orana lava reny fantatra amin’ny hoe “déluge”.Nanimba ny tontolo iainany ny zanak’olombelona ka raha te hiavotra dia tsy maintsy manarina. Izany indrindra no tiana hahatongavana amin’io fihaonan’ny firenena mikambana any Kopenagy io. Ny sinoa sy ny amerikana dia irina mba haka fepetra matotra mikendry ny tombon-tsoa iombonana, ary ireo firenen-dehibe hafa ihany koa mba hanaraka azy roa tonta ireo. Mino ny tena fa anisan’ny tafiditra ao amin’ny dian’ny filoha Amerikana Barack OBAMA tany Shanghai izany resaka izany.Volana vitsivitsy lasa izay dia mbola maro no nihevitra fa angano ity fiovan’ny toetr’andro ity. Natao nitovy saranga amin’ ny resaka dadabe noely na koa ny sambon-danitra tsy hay fihaviana… Saingy efa maro ankehitriny ireo fisahon-javatra ahafahana manamarina fa misy tokoa ity fiovan’ny toetr’andro ity.Anisan’ireny ny :

• fitombon’ny faritra ianjadian’ny hain-tany
• fitomboan’ny tondra-drano etsy sy eroa raha tsy ilaza afa-tsy ny firenena aziatika isika
• ny fiakaran’ny haavon’ny ranomasina
• sns amin’ny resaka toetr’andro

Raha hivory ireo firenen-dehibe ireo, inona no zavatra afaka andrasana amin’ny fifidianana hatao ao? Misy tombon-tsoa ho an’ny firenena malagasy ve? sa dia tombon-tsoa mampandeha mialoha ny toe-karena sy ny fifandrasana ara-barotra ahazoan’ny firenena matanjaka tombony no ho raisina sy hosafidiana ao?Ny zavatra tiana hambara dia ny hoe : mila mahafehy sy mahafantatra tsara ny tokony horesahina any ireo solon-tena malagasy ka afaka hanaiky na handà mazava izay voatapaka ao arakaraka izay politika mazava mipetraka sy misy ho an’ny fanatsarana ny firenena.Mila arovana ireo fananana ara-java-boahary mampiavaka an’i Madagasikara ka mila miady mafy ho an’izany isika na eto an-toerana na any ivelany.

No Tags

Ndeha isika hanangana tanan-dehibe vaovao!

aro ireo mponina eto an-drenivohitra no mimenomenona, tsy afa-po amin’ny fiaraha-monina an-tanàn-dehibe kanefa tsy afa-manohatra. Misy ireo tsy mahatanty korontana, fifanjevoana, fitohanan’ny lalana, fahateriteren’ny arabe, loton’ny rivotra, ny tsy fanarahan-dalàna, sns.Alefantsika ny eritreritra satria raha tsy misy ny eritreritra tsy misy ny tanjona ary rehefa tsy misy ny tanjona dia tsy misy ny tody. Somary ovaintsika kely ny ohabolana ka ndeha ataontsika hoe “ny tody hisy raha mazava ny tanjona”. Ndeha hotanisaina fohy ny tanjona amin’izany tetikasa momba ny vohitra na tanandehibe vaovao izany:

1. Tanàna vaovao, madio, mirindra mba ho tsara ny fiaraha-monina
2. Olona mifanaja sy madio ary manaraka ny fitsipi-pifehezana misy eo amin’ny samy mpiray tanàna
3. làlana malalaka, miaina tsara ny fifamoivoizana, mety ahafahan’ny fiara enina na valo mifanena amin’ny toerana sasantsasany
4. Ny tari-by mitondra ny herin’aratra dia milevina na milentika any ambanin’ny tany fa tsy mikirozaroza eny ambony rehetra eny
5. Tanàna ifantohan’ny orinasa sy ny varotra ary ny fifandraisana ka mampandroso haingana ny toe-karena
6. Mponina vonina ny hiasa, hiasa tsara sy haingana ary tena amin’ny fo fa tsy terena na miandry fampitahorana na fampitandremana hatrany vao hanao izany
7. Fanorenana trano isan-karazany manaraka ny fitsipi-panorenana sy ny drafitra maty paikan’ny fitantanana ny tanàna (construction suivant le plan d’urbanisme)

Hatreo aloha sao dia tsy araky ny sain’ny sasany. Misy sakana vitsivitsy momba ny fananan-tany sy ny vola enti-manorina mila ahitana vahaolana haingana mba ahafana manatanteraka izany. An’isan’izany sakana mila vahàna izany ireto manaraka ireto :

• Tsy tokony hifikitra be fahatany amin’ny tany kely ananany ny olona fa hanambatra izay anjarany amin’ny hafa ho an’ireo toerana voafidy hananganana izany tanan-dehibe vaovao izany. Afaka omena tany any amin’ny toeran-kafa hanoloana izany ny mpitondra saingy raha sarotra izany dia mila politika mijoro tsara sy matanjaka momba ny fanajariana sy fizarana ara-drariny ny tany misy. (Na tampoketsa aza misy tompony vitsivitsy…)
• Mila miara-mirohotra amin’ny fanjakana ireo orinasa sy mpampiasa vola eto Madagasikara hanangana na hametraka ny orin’asa mpitantana sy tena mikirakira vola amin’io faritra io. Ka orinasa fitrandrahana na fanodinana no tena hisy ao fa orinasa misahana ny varotra sy ny fifanakalozana ary ny serasera. Mety anisan’izany ny banky, ny magazay lehibe, ny birao maro karazany mpanapa-kevitra ho an’ny orinasany mpitrandraka na mpanodina, ivo toeran’ny fifandraisana sy ny fifandraisan-davitra ary ny teknolojia avo lenta, ny orinasa amin’ny haino aman-jery sns.

Inona ny voka-tsoa mey aterak’izany tetik’asa izany?

1. fanomezana asa ho an’ireo mpanao trano sy ny foto-drafitr’asa isan-karazany ka mampiakatra ny fidiram-bolan’ny mponina mba ahafahany manjifa sy manatsara kokoa ny fiainany
2. fanitarana ny orinasa efa misy na fananganana ny orinasa vaovao ka mety hampitombo ny vola miditra ao amin’ny kitapom-bolam-panjakana
3. hampiodina haingana ireo fampiasam-bola (mbola resaka hafa ny aterak’izay)
4. hanome ohatra ho an’ny malagasy sasany amin’ny filaminana, fanarahan-dalàna, fahadiovana, fanajàna ny fanànana iombonana, fitiavana fandrosoana, fanarahan-dalàna sy ny fitsipika tsy an-tery fa an-tsitra-po, fahazotoana miasa amin’ny fairaha-monina mirindra sy milamina ary madio ka mampihena ireo fahakizintinana sy hasiahana misy eo amin’ny mponin’Antananarivo na mpandeha an-tongotra, na mpivarotra, na mpitondra fiara-kodia na mpitondra môtô.
5. sehatra ahafahana mampiseho an’ireo vahiny mety hampiasa vola ny tsy dia fifanalavitan’ny toe-tsaina enti-miasa
6. fifandraisana tsara amin’ireo mponina sy ny pifanerasera ka tsy ho ambanin-javatra ny fifampiarahabàna, ny fifampisaorana ny fifanaovam-beloma am-panajàna fa indrindra ny fifampitsikitsikiana izay mitondra hery tsara ho an’ny fiaraha-monina.
7. renivohitra ara-toe-karena ho lavitry ny fahantràna sy ny fahadiranovana maro samihafa
8. sy ny sisa

Tsy ho azo ekena ao amin’izany tanàna izany ny loto,  ny fahantrana amin’ny lafiny rehetra, ny tsy fanarahana ny fitsipika mifehy ny hakamoana, ny fanambaniana mety hisy amin’ireo tsy mitovy saranga miara-miasa sy miara-monina, …mmmmhhh! nofinofiko eto Dago izany, enga anie hisy tanteraka na dia ny ampahany fotsiny aza. (indrindra ireo tariby an’ny Jirama mandreraka maso misy papango na taditady mihantokantona eny rehetra eny sy ny fifamoivoizana ary ny fahadiovana

urbanisation Antananarivo

Ny tena fitiavan-tanindrazana

Mbola misy ve ireo malagasy tena tia tanindrazana ? Mipetraka ny fanontaniana.

Tao anatin’izay dimampolo taona farany taorian’ny nahazoana ny fahaleovan-tena mantsy dia mampisalasala ihany ny mamaly io fanontaniana io. Mbola afaka valiana tsara ihany izy io saingy tao anatin’ny herintaona izao dia tsy hita mazava izay valinteny tena marina.

Maro ireo mitonona ho tia tanindrazana saingy ny fihetsika sy ny fomba rehetra dia toa maneho fa fitiavam-bola sy voninahitra ary seza eo amin’ny fitondrana no betsaka. Misy ireo mimenomenoma amin’ny tena tokony atao sy tokony ho fomba fiaraha-monina fa tsy mihetsika tsy manao na inona na inona afa-tsy ny fitadiavana mahazatra mba ivelomana.

Misy ireo tena sahy mirotsaka an-dalambe mitaky fanovana saingy tsy manova ny fomba ratsy fanaony sy ireo fitiavan-tena mahazatra tsy mitsinjo ny fiaraha-monina sy izay tena mahasoa ny tanindrazana.

Vonona ve ianao ho faty ho tombontsoan’ny vahoaka malagasy sy fihavaozan’ny firenena ? Vonona ve ianao hanasoa ny tanindrazanao tsy hangataka tambiny na karama ary tsy ho noho ny tombontsoa manokana ? Vonona ve ianao hijoro manoloana ny jadona ankolaka ataon’ireo firenen-dehibe vitsivitsy mikatsaka ny mahasoa azy eto Madagasikara ka mitady amin’ny fomba rehetra hametsena sy hanambaniana anao ? VONONA VE IANAO HIASA AMIN’NY FONAO MANONTOLO KA TSY HIKELY SOROKA MBA HANATSARANA NY TONTOLO MANODIDINA ANAO ?

Namaly TSIA indray, in-droa, in-telo ve ianao tamin’ireo faontaniana teo ambony ireo ?  Mbola tsy tena vonona ny haneho ny mety ho tena fitiavanao ny taindrazanao ianao izany.

Mba inona kosa ary izany ny anjara biriky nentinao ho fanarenana na fanasoavana ny tanindrazanao ? Maro mantsy ireo olona tafaresaka amin’ny tena no milaza fa vonona hanasoa ny ankohonany sy ny fianakaviana fa hatreo ihany satria tsy misy antenaina, hono, ny firenena.

Aza manao fitiavan-tanindrazan’ny taona roa arivo ka mitombo arakaraka ny vola voaray !!!

fitiavan tanindrazana

Avaho ny vary sy ny tsiparifary

Tato anatin’ny andro vitsivitsy dia niverina indray ny resaka famotsoran-keloka na “Amnistie”. Miazakazaka miseho amin’ny haino aman-jery noho izany ireo izay nahatsiaro fa mila manadio tena na ihany koa ireo nosaziana na nogadraina na ihany koa ireo nanao sesi-tany ny tenany nandridtra izay vanim-potoana politika nisesisesy rehetra izay.  

Raha ny hevitry ny fitondrana teteza-mita aloha dia nolazainy fa aloe ny vahoaka no hanapaka sy hijery ny momba izay. Mety fahendrena ihany izany fa indrindra indrindra ihany koa fa fialàna amin’izay fahatezeran’ireo mpanao politika namana na mpifaninana nefa mety mbola iaraha miasa ihany any aoriana.  

Amin’ny maha-malagasy ny tena dia mahatsiaro tena ho vahoaka ka haneho ny hevitra etoana satria moa tsy misy intsony ny solom-bavam-bahoaka noho ny rafitra teteza-mita dia mahatsiaro tsy manana solo-tena sy mpitondra-teny miakatra intsony.  

Arak any voalaza amin’ny lohateny dia ALEO HIAVAKA NY VARY SY NY TSIPARIFARY!  

Ny vary dia ireo izay mpanao politika na mpandraharaha mety nanana firehana hafa ka voapanga noho izay firehany tsy mitovy amin’ny mpitondra niapanga azy izay. 

Ny tsiparifary kosa dia ireo jiolahy na jiovavy nahavita heloka tamin’ireo mpiara-monina sy mpiray tanindrazana aminy. Nangalatra ohatra, namono na nampamono olona, nampihorohoro sy nitaky vola amin’ny tsy

antony, nitarika ireo malaso sy dahalo hanao ny asa ratsiny, nanao fanondrana tsy ara-dalàna (hazo, vatosoa, rongony, …) 

Mazava ny resaka, aloe hiavaka izay voaheloka amin’ny tsy rariny sy ireo tena nahavanon-doza ka mety mbola hambotry ny firenena. Satria dia ampy izay korontana izay, ampy izay fiverimberenan’ny krizy izay, ampy izay fanantenana diso azon’ny vahoaka izay ka vao nitady hiarin-doha kely dia potraka.  

Fanjakana mahefa I Madagasikara ka tsy tokony hisy hitsabaka amin’ny fitantanana anaty afa-tsy ireo Malagasy tia tanindrazana izay tsy mikatsaka afa-tsy izay mahasoa ny fireneny.  

Rehefa mijery ny fandrosoan’ireo firenena zanatany anglisy izay mpikambana ao amin’ny “Common Wealth’ ny tena dia mahatsiaro fa voambaka be ihany I Madagasikara. Rehefa mijery ireo firenena tatsinana raha tsy hilaza afa-tsy

Singapore na Malaysie mba tsy hiresahana an’I Chine dia mahita fa na misy fahantrana aza ireny firenena ireny dia mitraka tsy menatra satria nahavita. 

“Atrehi-mahefa, iamboa-mahavita”

aministie à Madagascar

Filed under Ohabolana, Politique, Langue (Mg), Développement, Actualités | Popularity: 6% [?]

aministie à Madagascar

Page suivante »