Non classé

nidina eny @ 13 mey i Andry Rajoelina sy ny mpanara-dia azy ary mitaky ny governemanta hametra-pialana

sabotsy 24 janoary 2008 @ 13:48 no anoratana ity post ity. Efa ho adin’ iray izay no nidinan’i Andry Rajoelina sy ny mpanara-dia azy eny @ 13 mey raha toa ka teny Ambohijatovo (place de la démocratie) no nifamotoana androany maraina.Mankany mankany izy ity izany raha izany satria heno @ Radio Viva izao fa manainga ireo mpiasam-panjakana, ny fianarana(izay angatahiny ny hanidiana azy @ alatsinainy izao) sy ireo maro hafa tsy tadidin’ ny mpanoratra hifamotoana eny @ 13 mey 2008 ny alatsinainy ho avy izao raha toa ka mitaky ny hametrahan’ ny governemanta iray manontolo ny hametra-pialana ankehitriny dia ankehitriny izy. Vao maika mihenjana ny tady … Dia ho sanatria ve hiverina kapoka iray toa ny tamin’ ny 2002 teo ity tantara ity. Ny hevitrareo?

http://www.friendfeed.com/saveoursmile

10 commentaires

  • Hery

    Toa ohatry ny famantarana lehibe ilay izy. Niala tamin’ny demokrasia (niala teny @ kianjan’ny demokrasia) dia nidina eny @ 13 mai izay efa fantatra ny lazany… dia hi-grevy 🙂

    Tsy zakan’ny (kianja) demokrasia ve ny gasy sa tsy mahazaka demokrasia?

  • Aiky

    Raha ny grevy sy ny rotaka dia tsy mbola nitondra soa ho an’ny toe-karena malagasy.

    Manahy mafy ny tenako aloha fa raha tanàna toa an’Antananarivo aza tsy voaala ny fako, tsy voasikotra ireo lalan’ny rano maloto rehetra (égouts sy dalles), tsy voaala ireo mpivarotra tsy ara-dalàna eny amoron-dalana dia mety tsy hahay hitondra firenena lehibe toa an’i Madagasikara izany olona tsy mahavita ireo asa kely tsy misy dikany ireo.

    Asa aloha, ny miracle koa aloha misy e…

  • rapa

    aoka ho fantatra fa toa te hampivadika ny toe draharaha any @ Andry Rajoelina ingahy Ravalomanana nefa izy ihany no nandrehitra ny afo , raha tsy nanao avonavombava inagahy Ravalomanana sy ingahy praiminisitra tsy tonaga t@ izao toejavatra mampalahelo sy faharavana izao isika malagay .efa tara loatra hoy i Mahaleo vao misaina ary Efa lasan’olona ny foko vao hoe voromanganao anie aho hoy ihany i Mahaleo
    Iza koa moa no mahalala raha toa ka mety iNgahy ravalomanana ihany no nandefa ireny mpandroba ireny mba hanosorampotaka ny tolona sy ingahy ben’ny tanana mba hiverenan’ny olona aminy

  • Mitiyu

    Tsara ihany aloha no mampahafantatra koa fa nomena fotoana teny Ambohijatovo izahay ny Asabotsy ho fanehoan-kevitra ka gaga ihany raha nentina nidina teny amin’ny kianjan’ny 13 mai.

    Ny alatsinainy dia tsy niverina teny intsony satria fantatra fa raha grève générale izany no atao dia handentika tanteraka ny firenena indray izany ka tsy mety.

    Hay niafara tamin’ny fitaomana ny olona ho eny Anosy sy fandoroana magazay sy fangalarana entana maro samihafa.

    Aiza izao izahay eto Antananarivo no hahita izay hoanina? aiza no ahitana mofo? vary menaka? toa jus sy caca pigeon sisa no hita eny amin’ireo épicerie hany mba misokatra!

  • ylan

    Ylan

    Miarahaba anareo,
    Dia mahagaga lehireto ity ianareo, tsy haiko hoe mitampina ve ny masonareo sa ahoana? diniho tsara na miteniteny foana na hoe mitakitaky foana ny vahoaka raha;
    -Mahita zavatra hanoherana an’i Andry foana ny fitondrana ka haharatsy laza azy.
    -Ny tany nonotofana eo Andohatapenaka, izay tsy ara-dalàna. Moa ve mba fantantsika mazava ny tena anton’io fanotofana io?
    -Ny tanindrazanay any Ambatondrazaka, izay alainy an-keriny ka 20 000Ar ny 1Ha(hekitara) ary raha tsy manaiky dia sady tsy mahazo vola no lasany ny taninao,mba rariny ve?
    -Io Force One izay novidiana io, volan’iza io?
    -Ny hetra alain’ny fanjakana amin’ny karaman’ny olona sy izay rehetra mihetsika eto, moa ve nampihena ny fahantrana tokoa ilay izy? toa vao maika aza mahakivy ireo izay mba miasa.
    -Ny vola izay natotan’ny PDS sy ny fitondrana tao amin’ny Imprimerie iray teto Antananarivo, ara-dalàna ve izany?
    -Ny trano izay vao atsangany eo Faravohitra, dia milaza marina ny tenako fa 15 000 fmg na telo arivo ariary tompoko no nividianany an’io tany io sady natao an-keriny. Vokany, maty nohon’ny aretim-po ilay tompony.
    -Ny tsy fahafahana maneho hevitra amin’ny alalan’ny radiom-pirenena sy ny toy izany, ny tsy fahafahana mandray ampahadiovan-tsaina ny hevitry ny olona sasany, ny fanaovana didy jadona, ny fanenjehana ireo mpanao politika hita fa matanjaka noho izy, mety aminareo ve izany?
    -ny société OLAM, izay Maorisianina no tompony, vao haingana no niala sy voatery niala teto madagascar satria nomena ny ramatahora. Mpanao exportation ana vary mena,… any ivelany izy io, izay mampiasa malagasy maromaro, kanefa dia nampatahorin’ny ministera tsy maintsy nakatona satria voalaza fa hoe marcher an’i Magro io. Moa manaiky an’izany ve ianareo.
    -Ny vary any Ambatondrazaka, nfahoana re no tsy maintsy ny magro ihany no afaka mandray ny vokatra sy mitatitra azy aty fa tsy mahazo manao intsony ny olon-tsotra e??
    -Ny fanagasiana ny fianarana, efa avy voa teo izahay ka mino aho fa na ianaro koa aza tsy manaiky an’izany.
    -Ny resaka DAEWOO, dia tanin’iza indray no ho voatery homena azy?? ny tanindrazako tsy homeko intsony. Ny malagasy anefa dia ho toy ny mpiasa tsotra fotsiny fa tsy misy tena tombony mivaingana ho azy izany.
    -Ny lavanila, nahoana re no nidina ny vidiny e?? tsy te hilaza azy aho fa aoka ho fantatrareoi izao, ny filoha ra8 dia mivarotra vanila lafo be kanefa dia alainy mora amin’ny gasy izany.
    -Nahoana re no kapaina amin’ny ranjony avokoa ireo mpandraharaha malagasy mba mandroso e? diniho raha mba mahita mpandraharaha malagasy lehibe intsony ianareo, fa efa lasa sesitany sy voapanga avokoa izy rehetra, toa an-dry Edgar Razafindravahy tompon’ny Kobama satria efa re fa hoe hifaninana aminy amin’ny manaraka, les 3 frères izay nahafahany nanjaka tokana teo amin’ny sehatry ny PPN, mba hananganany ny magro. betsaka e… raha tsy mino ianareo dia mandehana manontany, fa ho tantaraiko anareo koa izay efa nataony.
    -Ny vola azony amin’io resaka ady amin’ny sida io, mba firy isanjato amin’ireny moa no tena miasa marina? mieritrereta.
    -Ny lalana vita, fa tsy misy avelany mivoaka ny vokatra tiany ho geazina.
    -Ny lalana vita fa izay tany tiany halaina dia tsy maintsy azony.

    Sao de lava loatra fa izao e!, izay tena mbola manohana azy dia efa mieritrereta izay hitontonana rehefa mba lasany koa ny fanananao. Tsy adalan’ny olona ny manao tolona na inona na inona mety vokany na ratsy na tsara, satria tsy misy intsony ny fomba ahafahana maneho fa tsy mankasitraka ny fanaony ny vahoaka. Ka raha tsy i Andry ary dia Iza???

    Amiko, tsy te hijery aho hoe i Andry na iza, fa io aloha no tsy mbola lasa any am-pona afaka ny hanohatra azy dia manohana azy aho. Lazaiko fa efa tamin’iny fifidianana tamin’ny 2001 iny aho no nifidy farany ary tsy nisy intsony taorian’izay satria leo ra8 ka tsy nanao intsony.
    Aza manaratsy Arema sy goaika antitra ry ireto a, fa ireo TIM ireo anie ka izy fotsiny e, saingy namadika palitao ka toa hoe mamy hoditra!!!

    Farany, marina fa nisy vokatra tsy nampoizina iny fihetsiketsehana iny, kanefa minoa ahy ianareo fa mbola ho ratsy ny tantana raha toa ka mbola izao fiavonavonan’ndra 8 izao no mitohy.
    Veloma vetivety.
    Ylan

  • FANASINA

    Tena tsy tanako intsony ny tanako tsy anoratra fa tena hay efa tonga aty mihitsy ny resaka amin’izao foftoana izao.
    Ny tsapako aloha zao dia resa be fotsiny no atao hoe pôlitika eto Madagascar .Ny antony dia izao vokatra iaraha mahalala sy mizaka izao.Samy te hampandroso ny orinasany daholo no antony hirotsahana ho Filoha na fokontany na kômina na firenena .Teo aloha ny orinasan’ny arema no natao fairano,zao indray ny ny tikô dia refa firy taona indray ny TGV? Mba araho kely ange ity toe-draharaha ity e.

    -Nakatona ny VIVA fa sao hono mandresy lahatra ny olona ny kabary ngahy RATSIRAKA izay olona efa sady tsy mahazo miditra eto antoerana no sady tsy sahy intsony koa.Nefa ny tena tiana hatongavana dia ny famoretana ilay gasy mitady ho lasa.

    *Zara aza misy ny VIVA mikatona entina hitadiavana olona hitaky ny demôkrasia fa mpanao jadona hono ilay olona nofidiany tamin’ny 2002 sy 2007 teo.Nefa dia efa ady izao no hatsangana fa mody TELE no takiana ho sokafana kay avy eo nitarina ho Ministra roa aloa no takiana hiala.Avy eo dia niova hoe « vonona ny hitondra ny fajakana tetezamita ny tenany ».

    TEO NO NANOMBOANA NY KORONTANA FA HOE EFA TSY MIFANARAKA INTSONY NY ROA TONTA

    -Rehefa hita fa tena nahasarika olona be tokoa ilay fitakiana minisitra sy TELE ny Sabotsy ,dia lasa ilàna fitsenàna ny filoha rehefa avy any andafy ny Alahady satria niantsy hoe « mba manangona olona raha mahazo » ny teny amin’ny 13 Mey.Ka dia angonina daholo ireo karazana olona azo atao fitaovana ho eny amin’ny arabe mba haseho ireo mpanao gazety eran-tany fa mbola tian’ny olona ny filoha fa lainga ny tao amin’ny kianjan’ny DEMOKRASIA .Dia hoe ho any AFRIQUE DU SUD ny filoha fa hiresaka ny SOMMET AFRICAIN hono nefa naka COMMANDO SUTH AFRICA sy CONGOLAIS hanakatona ny radio indray fa tsy mahavita azy ny tafika malagasy.

    ARY TEO DIA EFA HITA TARATRA FA TSY VIVA IHANY NO TAPAKA FA HATRAMIN’NY RNM SY TVM NY MARAINA NY ALATSINAINY SATRIA EFA NISY HAFATRA NY ALAHADY HARIVA HOE « rehefa manao dia ataovy hatramin’ny farany ,ka tompon’andraikitra amin’izay hatao matoa sahy »

    *Tezitra ary ny teny Analakely ka andao ho eny amin’ny fitsarana eny Anosy fa ovaina indray ny fitakiana hoe « avoay ireo mpianatra 3 lahy » izay nohidina fa nitoraka Cocktail Monotôve .Teo anefa no tsy nampoizina fa efa nisy ny tetika maty paika fa hitarina ny raharaha.Natomboka tamin’ny fandorana ny TVM sy RNM ilay efa notapahina ny Alatsinainy maraina niraka tamin’ny RADIO VIVA .Teo alohan’io mantsy no efa nisy ny nandoro ny MAGRO tetsy BEHORIRIKA.Avy eo dia notarihina ho eny amin’ny MBS izay efa nahitana ny sasany tamin’ireo COMMANDO nalaina ny ALAHADY mba hisian’ny faty olona .Dia tena nahavita ny adidiny tokoa ity farany satria rehefa nahafaty zatovo iray dia tsy maintsy mitsoaka.Avy eo velomina amin’izay ny fandrobana isan-karazany ka ireo karazana MAGRO aloha no tafiana mialoha ,avy eo izay rehetra misy VALEUR.

    -Azo havadika amin’izay ny raharaha fa hoe « samborina i RATSIRAKA ROLAND sy ny JENRALY DOLIN » fa ireo mantsy no mpaniraka ilay andian’olona mpamaky magazay ».Nefa ireo no hataorana indrindra fa mety hahafaty ny filoha raha miketrika izany.Dia antsoina ny Minisitry ny raharahambahiny Frantsay mba handravina ny raharaha ka ho eken’ny fivondronambe iraisam-pirenena fa mila FIFAMPIRESAHANA NY FILOHA FA TSY ADY ,na dia tokony natao aza izany fony mbola ny talohan’ny SABOTSY satria raha io dinika io no natao dia tsy nisy ireny tranga rehetra ireny.

    *Ovaina indray ny famindra fa tena nihetsika tokoa ary tena nahomby ny ilany.Ka ilay natao sorona teny ANOSIPATRANA indray no takiana ny namono azy fa tsy ny VIVA intsony no velomina.Ary hatao VILLE MORTE indray ny Alakamisy fa risika be loatra ny grevy.Dia amin’ny SABOTSY 31/01/09 indray mihaona.

    -Velomina haingana indray ny TVM sy ny RNM fa mihitatra htrany amin’ny faritany ny raharaha mba hanoizana ny fampielezan-kevitra eraky i MADAGASIKARA .Dia mody lazaina fa hoe « izy mihitsy no nanome baiko ny tsy hiasan’ny MIARAMILA » handamina ny vahoaka ny ALATSINAINY lasa teo fa hoe manjary be ny ra mandriaka .Nefa manjary tsy tafita ny hafatra raha manelingelina ny POLICE satria tsy maintsy misy avy eo ny tratra ka manjary ireny indray no mibaradaka hoe « iza no naniraka azy ».

    NY TSY MAZAVA ALOA HATRETO DIA IRETO
    1 Tena nisy marina ve ny baiko nidina tao amin’ny tafika sa tezitra ny miaramila noho ny fakana MECENERES avy any ivelany handamina ny raharaha fa tsy mahavita azy ry zareo ireo?
    2 Maninona no tsy nisy nivoaka hatramin’izao andro anio 30/01/09 izao fa efa misy voasambotra ireo pandroba ? Sa izay tratra dia efa notifirina avokoa fa tsy misy sambo-belona izy ireny?

    LAVA LOATRA FA ALEO ALOA HATRETO NY FANDALINANA FA MIANDRY VAOVAO INDRAY ISIKA MANOHY AZY DIA HO HITA EO ZAY TENA MARINA NA NY TGV NA NY TIM

  • nicolas

    AMPITAO AINGANA DIA AINGANA
    tsy fantatro ny fahamarinany ity zavatra ho lazaiko inty fa olona tao @ tafika daholo no nahenoko azy ka mba tiako ampitaina @ Monsieur le Maire mba isorohana ny ratsy raha toa ka marina tokoa izany!
    Ireo olona nolazaiko tetsy ambony dia nilaza tamiko ny hoe aza mivoaboaka ny trano mihintsy rahampitso fa afana be ny ao izany hoe hisy indray ireo olona anankorotana ary ho enjana nohon’ny t@ alatsinainy sy talata ny zavatra mety hiseho.misy koa aza ny resaka eny an-dalambe fa tsy maintsy ho tifirina rahampitso ny Maire.
    Ka miangavy izaho Monsieur le Maire mba atovy tena farany izay entitra ny « sécurité » anao fa raha sanatria tanteraka tokoa izany fikasan-dratsy izany dia very izahay vahoaka sy mpanara dia Anao.IZAHAY KOA DIA TSY IHEMBOTRA ATRA@ FARANY FA TSY MAINTSY AZONTSIKA NY TOLONA.

  • FANASINA

    Salama daholo izay tsy naratra sy tsy maty teny Ambohitsirohitra an!

    Eto indray isika fa tafahaona aty amin’itony serasera itony.Isaorako an’Andriamanitra aloha fa tsy maty na naratra tany ny rahalahiko izay isan’ireny mafana fo amin’ny tolona ireny.Dia izao mihitatra otran’ny sima misioka ny raharaha ankehitriny.ireto indray misy hisarihako ny sainareo izay mahita sy manaraka ity resaka ity: »fa nahoana no tsy nisy voatifitra ny iray tamin’ ireo nitarika ny vahoaka teny Ambohitsirohitra fa ny vahoaka nanaraka azy no lasibatra? » ny manaraka dia ity « manao rano-lava ny fanambarana avy amin’ireo olona samy hafa rehefa miha-enjana otran’zao ny raharaha » .

    Efa samy nafana fo daholo na ny mpitari-tolona na ny vahoaka mpanaradia ka dia roso ny dia ho eny amin’ny lapa na efa fantatr’ireto lehibe aza fa FARITRA MENA ny eny.Raikitra ary ny fifanjevoana ka ny nahagaga dia ireto olona natao sorona no niaran’ny loza na dia niara-nitakosona izao ihany aza.Ny tsikaritra dia ireo mpitarika tsy nisy voakitika nefa raha ny toerana nisy azy ireo dia teo alohan’ny vahoaka izay lasibatra fa hoe mafy loha .Raha araka ny tenin’ny ntaolo aloha dia ny hoe »biby tsy manandoha tsy mandeha »,ka asa na mbola tiana hihitatra kokoa angaha ny toe-javatra no antony tsy nikitana ireo sa fatahorana tsotra izao fa toa JENERALY ny iray ary zanaka mpanao pôlitika malaza ny iray. MONJA ROINDEFO io olona io.
    Ary naninona ary i ANDRY RAJOELINA no tsy sahy niakatra teny nefa tamin’ny nametraka an’i Michelle RATSIVALAKA tonga teny na dia samy fantatra aza fa nisy miaramila ihany koa niambina teny Tsimbazaza tamin’ny fotoana nametrahana io olona io ?fanontaniana afaka hanakarana ny tokony ho fahalalàna ny ao ambadik’izao hetsika izao ihany no hametrahako io.
    Fa andao jerena indray ny avy aty amin’ny lafiny ilany dia ny mpitifitra olona izany.
    Asa tokoa no natao ary lapa no narovana nefa fahavalo ve no azo heverina ireo olona sa mpandroba ?raha fahavalo ,nitondra basy ve ireo sa nanagana antsy ?raha mpandroba ,niditra tany antrano ve izy ireo sa niandry tety ivelany?
    Baiko ny anareo dia tsy maintsy tanterahina ka tsy nety ve raha mba nampitahotra aloha fa na ny mpangalatra aza mbola tenenina sy rahonana tsy hitsoaka vao tifirina raha mamaly na mitsoaka.Mety hisondrotra tokoa ny galonanareo rehefa vita ny asa nampanaovina anareo nefa tsarovy fa na ny halahelon’ireo havana mana-manjo na ny ain’ireo nalatsa-dra no ao ambadik’ireo galona izay mety ho azonareo ireo.Efa voasoratra hoe « ny zavatra rehetra dia azo,fa ny zavatra rehetra tsy ary mahasoa avokoa » ka nahasoa ary ve ny famonoana olona ?
    Dia nivadika ny fihetsehampo ka any amin’ny mpanao fanambarana indray no hiantefany.

    Nivoka avokoa ary izao ny fanambarana rehetra fa miara-miory amin’ny havan’ireo maty ny rehetra.Dia samy mahay milaza izay fomba entiny haneoana ny alahelony avokoa na iza na iza.Ao ny mitomany an-taroby ,ao ny mampatsiahy fa lesona ireny,ao ny miseho mivantana mba ho hitan’ny olona hoe teo izy.Fa maninona kay no misy zavatra mitranga vao mihetsika fa rehefa moramora ny fipoitrany tsy misy rotitra.miteniteny foana ve ny ohabolana hoe « aleo misoroka toy izay mitsabo » ; Dieny izao mbola kely izao ny voka-dratsin’ny zava-miseho dia aleo manome na dia soso-kevitra fotsiny aza fa efa adidy izany.Ohatra amin’izany zao itony serasera itony dia afaka hisintomana olona ho tonga saina mba tsy hirehana na hiantehitra amin’ ny adilahy pôlitika.Izay azo atao izao mba hialana amin’io sehatra mampifanolana io dia tokony hatao avokoa .Mijaly anie izay tratran’ny sorona e

  • mahiratra

    Salamà daholo isika rehetra, enga anie hateza ny aina mba hahitatsika oe iza amitsika mirediredy ireto no ninia nitapimaso ka naniry ny firenena ho tafalatsaka any anatin’ny hadin’ny fikorontanana.

    1. Samy tsy misy tohanako ny i TGV na i TIKO. Nefa mieritreritra aho oe na ny jamba aza mahita, ny maharenina mandre fa fanakorontanana fotsiny izao no tarihin’ingahy TGV sy ireo tsy valahara manosika azy hitondra ny olona any amin’ny fahafatesana. Heloka bevava no nataony mpiandry ny lapam-panjakana teny Ambohitsirotra raha nitifitra olona tsy nanana fiarivan-tena. Fa mbola heloka bevava mihoatra noho izay ny an’zay nanosika ny olona hiakatra eny nefa fantany tsara fa faritra mena tsy azo aleha eny.

    2. 31 zao ny matimaty foana noho ny « inconscience »-n’ireo tsy mataho-tody izao te handrombaka fitondrana amin’ny alalan’ny fanonganana, nefa mbola tsy menatra ihany miteny oe ny « tolona » dia mbola hitohy (mba tsy hilazana oe « fanakorontanana »). Ny zava-miseho amin’izao dia tsy sahala fa mitovy tanteraka tamin’ny 1991. Ireo alikamaty te haka fitondrana tsara mpirina fa ny vahoaka noana tsy misy saina no atao sorona. Ny tsy fitoviana kely fotsiny dia ity : tam 91 mpamono olona no nesorina; fa ny 2009 ilay mpamono olona ndray no mbola mitady hiverina sy mbola hamono olona bebe kokoa fa miafina ao andamosin’ilay matesa faty TGV io.

    Ekena fa tsy nahatosika haingana ny fanovana ny mpitondra ankehitriny. Fa mba notantarain’ilay TGV tsy vaky atatra ve ny zavatra kely nataony tao anatin’ny 5 taona? Sa hoe mandroso ny orinasany dia lazaina fa tsy niasa ny mpitondra fa nangalatra ny harem-pirenena hampiroboroboana ny raharahany?
    Raha fiovana no tadiavin’ny gasy, 25 ilay nilatsaham-baratra iry ny nandrava sy nanapotika ary mbola mitady hiverina hanorotoro, dia mihevitra ve ianareo 5 taona ve dia ho ampy hanarenana an’zany?
    Amiko manokana raha mbola misy adala te hiaraka am TGV hanolotra ny ainy ho an’ny olon-dia toa azy dia matesa fa olona tsy misy saina.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.