Actualités,  Langue (Mg)

Ireto mpampahalala vaovao ireto an!

(lahatsoratra ho hitanao ihany koa any amin’ny http://gazetyavylavitra.wordpress.com/ ity)

Asa ianao raha toa ahy? Tsy ny teny Malagasy ihany no mahasarotiny ahy mantsy fa hatramin’ny fanajàna ilay hoe Malagasy mihitsy amin’ny maha-olona azy. Ny mahatonga ahy manoratra izany eto dia izao: betsaka loatra hatrizay namakiako gazety izay ny hadisona ataon’ireo mpanoratra anatin’ireny gazety ireny. Dia lasa ny saiko hoe: “Fa angaha dia tsy misy olona mamerina mijery ny tsy mety (tsipelinteny, fahadisoana madinidinika…) ao amin’ireny gazety ireny e? Tsy vitan’izay fa rehefa mba mandefa fanamarihana ianao dia toa tsy asiana dikany sy toa hamaivanina ilay fanamarihana ataonao. Tsy vitsy mantsy izay gazety efa nantsoiko an-tariby sy nandefasako mailaka izay. Anisan’ireny, ary ialako tsiny raha abaribariko eto ny anarana fa angamba izay no hampahatsiaro tena azy ireny sy hanovàny ny fomba fanoratany ary hanaovany ezaka hanatsaràna ny ampitsony: eo ny “MidiMadagasikara”, ny “Gazetiko”, ary ity “NyVaovaontsika” ity.

Mba andramo anie ny mandefa mailaka amin’ny adiresin’ny gazety “NyVaovaontsika” e! Tsy haiko na ny ahy be fanakianana no sakanana, na ilay adiresy mihitsy no fandrebirebena mpamaky, fa miverina fotsiny any aminao mpandefa ny filazana hoe tsy mandray hafatra io adiresy soratana anaty gazety io.

Tsy firaharahàna ny mpanjifa ve izany sa fanadalàna sa fanaovana tsinontsinona? Antsika no mamaly azy!

Mba nividy an’io gazety iray io aho androany, dia inona no ao anatiny hoy ianareo? Lahatsoratra efa nivoaka tamin’ny Alarobia 01 Aogositra 2007 no mameno ny pejy faha 3 ao anatin’ny namidy androany 08 Janoary 2008. Dia manontany tena aho hoe “Mba inona no anjara andraikitra raisin’ny tompon’ny gazety ho fanarenana ny toy ireny? Satria mantsy efa tafiditra ao anatin’ny vola naloan’ny mpividy ilay pejy diso. Mba hisy ve ho karazana famerenana vola amin’ny fomba ankolaka hataony ka hampitombo ny pejy hatonta ny ampitso izy mba ho tambin’ny tsy nety androany. Asa lahy????

Sa dia hoe “rano raraka tsy azo raofina iny, fa dia efa azo aloha ny vola, dia izay !!!” Sao tsy rariny.

Technicien réseau

4 commentaires

  • Dotmg

    Ny Vaovaontsika aza mba vokatry ny Tikoland tsy mety miakatra mihitsy ny vidiny, nefa ny vokatra hafa rehetra niakatra avo efatra heny raha mitaha amin’ny fiakaran’ny vidim-piainana ankapobeny.

    ( vakio eto )

    Sa akarina ny vokatra hafa dia ampifamenoina ny banga fa io vokatra stratejika io avela amin’ny vidiny mora eny foana.

    Momba ilay imailaka tsy tonga aloha dia nisy olana ny serveur-ndry zareo. www . lequotidien . mg aza toa tsy mandeha mihitsy.

    Momba ny midi sy Gazetiko, mba olona sarotiny nanitsy an-dry zareo ny Pr Rakoto Ratsimamanga fa rehefa niamboho moa izy dia miamboho miaraka aminy koa ny teny tsy diso tsipelina.

  • Tattum

    Misaotra mizara ry Avylavitra, fa tena tsara ho fantatra izany.
    Efa nanoratra momban’i fomba fiasan’ny mpanao-gazety sasany [Fr] aho fa misy lafiny mampaleho tokoa @ ilay izy.

    Raha mbola resaka tranonkala aloha, efa nisy ihany no efa niezaka nanantsara an’i tranonkalany, fa ilay atao hoe fanantsarana koa indrindray no misy tenenina. Ohatra hoe Midi Madagascar (Joomla a, tsara), fa mavesatra be, sady ela be vao mamaky ilay pejy vaolohany, sns…

  • Avylavitra

    Ny zavatra tsapako isan’andro tato ho ato rehefa mamaky ny gazety « Ny Vaovaontsika » dia toa mampahatsiahy ny andron’ny RADIO TSIOKA VAO sy ilay iraika lahy mpanentana tao izay, ny ataon’ilay mpanao gazety « Valohery’ ao. Tsy manao afa tsy ny manohana be fahatany fotsiny, no sady tsy misaina kely akory ny hoe mety hanimba azy sy ny olona, na antoko tohanany anie ny fiteny na lahatsoratra, na fihetsika tsy voadinika tsara ataony toy ireny.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.