Commentaires sur : 07|11|24 – Asabotsy mifankahita ! | BND 07

Par : Tomavana

Tomavana — Sat, 24 Nov 2007 17:54:18 +0000

> didy navoakan-dRanavalona II no tsy isian’ny tsena amin’io andro io

Misaotra Ra-Jentl’ na dia izany aza ve araky ny hevitrareo dia novanà tanteraka ny anaran’ireo tanàna nanao tsena Alahady talohan’io didy io ? Sao dia mba misy mahita ohatra azo tononina ihany ?

Par : jentilisa

jentilisa — Sat, 24 Nov 2007 10:08:06 +0000

Nefa ny an’ny vazaha ny vehivavy tany aloha tany no mody mandatsaka mosoara!!! fa ny alahady dia ny didy navoakan-dRanavalona II no tsy isian’ny tsena amin’io andro io.

Par : Tomavana

Tomavana — Fri, 23 Nov 2007 22:26:33 +0000

> mody manipy ny lambany (mody alatsaka) amin’ny tany razazalahy, ary raha toa ka mandray an’iny ilay tovovavy dia manaiky izy izay

Vaovao tamiko indray raha iny misaotra r’Ikalakely !

Par : ikalakely

ikalakely — Fri, 23 Nov 2007 18:57:15 +0000

Resaka tsena malagasy, raha misy amintsika afaka manao fandinihana akaiky an’io resaka io dia liana aho.

Ny fantatro dia hoe ambohimpihaonana tokoa ny tsena, eo no afaka miresaka ny fiainana rehetra satria tsy dia mifandray an-trano loatra ny malagasy raha tsy tena misy dinika goavan anagaha. Mitakokokoko ny vehivavy, manao fosafosa, manao jejojejo fa andeha ho any an-tsena ny zatovo (lahy sy vavy).
Misy aza avy any amin’ny tanàna alavitra mihitsy no mamonjy tsena.

Fantatro koa ohatra fa eo amin’ny resaka fikotiana (draguer)dia tsy fomban’ny malagasy loatra ny manao azy eny imasom-bahoaka eny -afa-tsy any an-tsena sy amin’ny andro fety. Eo dia malalaka ny varavarana.

tomavana> tany amin’ny faritry soavinandriana aho no nahita an’ireo zatovo manao fihogo lazainao io

Ny fomban’ny Betsileo raha ny henoko rehefa any an-tsena dia mody manipy ny lambany (mody alatsaka) amin’ny tany razazalahy, ary raha toa ka mandray an’iny ilay tovovavy dia manaiky izy izay. Tandremo kosa fa tsy voatery ho fitiavana maharitra io fa mety ho « orokoroka sy firaisana » kely fotsiny dia samy vita.

Raha dinihanareo tsara dia mitovy amin’izany ihany ny aty andafindriaka, ireo zatovo mandeha « centre commercial » mitady namana, sy mitakokokoko etsy sy eroa.

Mahaliana e!

Par : mitiyu

mitiyu — Fri, 23 Nov 2007 11:55:40 +0000

Alahady kosa aloha andro fitsaharana e dia tsy mahita aho

Par : Tomavana

Tomavana — Fri, 23 Nov 2007 11:54:53 +0000

Namonjy tsena tany amin’ny faritry Fianarantsoa aho tamin’ny diako farany teo dia nahita ireto tovolahy mpitovo izay mihaingo akanjo miloko marevaka … sy fihogo any anaty volo ho fanambarana hoan’ireo tovovavy fa « fo mitady namana » izy tena misy lafiny mbola tsy niova mihitsy ny any ambanivohitra.

Par : mitiyu

mitiyu — Fri, 23 Nov 2007 11:53:45 +0000

Tena mampatsiahy ny fiainana taloha tamin’ny mbola tany ambanivohitra izany.

Tena andro fety tokoa ny andro tsena ary ny bar no tena mahazo tsara rehefa atoandrotoandro eo.