Langue (Mg),  Ohabolana

Tsihy be lambanana

« Tsihy be lambanana ny ambanilanitra »
Mbola manohy ilay « ny olombelona fandrin-drano… » ity. Izany hoe mitovy hevitra aminy.

Ny « Tsihy » dia tsy inona fa ilay herana voarary sy natambatra ho iray. Ampiasaina indrindra ho fipetrahana (toy ireny eny amin’ny toram-pasika rehefa mitanin’andro ireny, ohatra) na ataon’ny olona sasany ambany kidoro raha tsy misy ny fandriana hazo. Eo koa ilay fampiasan’ny Malagasy azy amin’ny andro famadihana, hibatany sy hilanjany ny razana mandritry ny famonosana.
Rehefa velarina tsara tokoa izy iny dia mitsotra manaraka tsara ny fandrin-drano ihany koa (raha tsy hoe toerana kisilasila angaha no ametrahanao azy). Tsy misy avo sy iva raha tsara rary. Avy amin’izany no nitsirian’ny hevitra tao amin’ny Ntaolo hampiasa azy ho fanoharana momba ny fitoviana.

dikanteny: Ceux qui sont sous le ciel (les hommes) forment une grande natte (i-e sont solidaires)

Technicien réseau

6 commentaires

  • Avylavitra

    Vola> mbola betsaka no havoakako eto fa dia mirary anareo hazoto hijery sy hamaky, ary indrindra hitondra izay mba hevitrareo momba azy ireny

  • ikalakely

    MAhagaga mihitsy ny Ntaolo fa tena mandinika sy filozofa tanteraka.

    Izaho aloha dia tena liana amin’ity resaka voambolana (moa izany?) ity e.
    Miandry « avylavitra » zany e

  • Tomavana

    Misy fanamarihana kely Tompoko [objection votre honneur] !

    Ilay ohabolana voalohany dia mikasika ny olombelona « rehetra » ilay faharoa kosa mikasika ny « ambanilanitra ». Tsy tena sahala ireo sa izaho no diso ? 😉

  • Avylavitra

    Tomavana> ny antsoina hoe « Ambanilanitra » dia tsy inona fa ny Olombelona rehetra ihany k’ah! Toy ny mpanjaka rehefa nandalo fahiny, dia niondrika nitsaoka (nanome voninahitra) azy ny Ambanilanitra, izany hoe ny vahoaka

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.