Non classé

Avy mangataka izahay

Avy mangataka izahay
Ka indreto izahay
haka ny anay

Inona re no alainareo
Fa omena anareo
raha mbola eo?

Ny teninay re no alaina
Fa ilaina
mba hajaina

Iza re no haka azy
Iza no sahy
Mitsangana!

Indreto avy izahay
Hamelona indray
K’atolory amin’izay

Amin’ny firy no fotoana
fa tsy ataotao foana
ndrao lasan’ankaso

Izao dieny izao re no fotoana
Fa vonona foana
Mba hamelomaso

Apetraho aloha ny safidinareo
Sao mora leon’
Ny ala-safay

Ny safidinay dia efa vita
Iriana ho tafita
satria iny no anay.

… … … …
02 jona 1993

4 commentaires

  • Tomavana

    Tsara Ra-Jentl a fa misaotra a ! Ny feony sisa no ampianaro anay hihirnay azy 😉

    P.S: ny fijeriko ve no maninona sa misy ifandraisany amin’ilay lahantsoratrao anio tany amin’ny VETO izy ity ?

  • jentilisa

    Izany hoe hiverina hanoratra eto aho no dikan’io teny io fa tahaka ny adinodino izy teo ho eo izay e!

    Tomavana> somary poety izay aho tany alohaloha tany dia tena nanohina ny foko mihitsy ilay fotoana hoe hiverina ho teny frantsay ny fampianarana tamin’izany fotoana izany (tsy ratsy akory ny mianatra amin’ny teny frantsay! tsia fa ny foko no nanambara)dia izay ihany.

  • Helisoa

    jentilisa,

    Mamangy,

    manasa anao aho hitsidika an’ny siteweb-ko an’i HELI’S MADAGASCAR (en refonte)
    http://www.helis-madagascar.info
    ao amin’ny sehatra natokana ho an’ny ankizy HELI’S KIDS misy COMPTINES dia jereo ao fa ao io nasiko dika teny fanazavana frantsay ary misy io comptine io nampitain’i J.J. RABEARIVELO
    amintsika .

    I J.J. RABEARIVELO mantsy dia ho hitanao ao amin’ny siteweb HELI’S MADAGASCAR ao fa amin’ny alàlan’ireo asa-sorany dia nanao ANTHROPOLOGIE mitantara ny lafiny rehetra momba ny fiainan’ny mpiara-belona tamin’ny fotoana niainany. Izany no natoany satria fantany fa NANDALO FIOVANA NY TANINDRAZANY i MADAGASIKARA koa dia nataony izay hitehirizana izay azo atao izany.

    Olga HELISOA

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.